Litli prinsinn

Litli bumbubúinn minn var að flýta sér svo svakalega mikið í heiminn. Hann fæddist 23.03.2008 kl. 22:07 rúmum 11 vikum fyrir áætlaðan fæðingardag.
Hann var 6 merkur (1510 gr) og 41 cm. Stór strákur og vel yfir meðallagi miðað við meðgöngulengd (meðaltalið um 4 merkur).
Vaknaði á páskadagsmorgun með örlitla verki sem ágerðust svo þegar ég var í sturtu þá um morguninn. Verkirnir hættu svo en litlu seinna fann ég að það var farið að blæða. Var komin á FSA fyrir hádegi og þá var bara komin full útvíkkun og því ekkert hægt að stöðva fæðinguna. Náði að halda honum í mér í 10 tíma án þess að rembast.. en þá líka kom hann út í þremur rembingum.
Vorum svo flutt suður, með sjúkraflugi, í hádeginu á annan í páskum. Hann hefur spjarað sig alveg ótrúlega vel og braggast hratt. Var ekki í öndunarvélinni nema í ca sólarhring og er núna einnig búinn að losna við auka súrefnispústið sem hann var með. Og alltaf verið að vinna í því að auka mjólkurmagnið sem hann fær. Hann er þó ennþá með sondu ofan í magann (sem hann fær mjólkina í gegnum) og verður það í einhvern tíma.
En jæja vildi bara láta vita af mér og mínum :)... en núna er víst kominn mjaltartími og læt ég það sitja fyrir öllu.

Athugasemdir

[Anna Guðný , 29.3.2008 kl. 00:53]

Datt alveg óvart hér inn og þekki þig ekki neit. En hjartanlega til hamingju með litla kútinn. Og gangi ykkur allt í haginn.

[Runólfur Jónatan Hauksson, 29.3.2008 kl. 01:18]

Til lukku með drengin,,,vonandi heilsast syni og móður vel...

[arnbjörn (IP-tala skráð) 29.3.2008 kl. 01:26]

Flottur strákur, er sjálfur með einn hér 1 mán, an sama hér þekki þig ekkert en til lukku með litla kút, þitt fyrsta?

[Guðlaug Margrét Steinsdóttir, 29.3.2008 kl. 01:39]

Takk kærlega fyrir hamingjuóskirnar.  Allt gengur vonum framar og Arnbjörn, Já þetta er mitt fyrsta.

[Erna Lilliendahl, 29.3.2008 kl. 11:58]

Hann er yndislegur elsku hjartans Gulla mín. Og mikið er gott að fá blogg frá þér elskan ;) Hlakka mikið til að hitta ykkur bæði!

Knús úr Vesturbænum

[Hafrún Ásta (IP-tala skráð) 31.3.2008 kl. 10:23]

Knús á ykkur bæði og vonandi dafnar hann fljótt og vel og fær að fara heim. Hlakka til að sjá ykkur við Álfheiður Amý erum alveg til í göngutúr þegar hann fær útgönguleyfi.