Náði

glitter-graphics.com

Já já mín bara náði bifhjólaprófinu í fyrstu tilraun. Gerði eina villu í götuakstrinum (af því að ég er svo lítil...hmmm) en prófdómarinn sagðist ætla að horfa framhjá henni þar sem ég hefði staðið mig svo frábærlega að öðru leiti. Þetta var allavega það eina sem hann setti útá.
Þannig að núna er ég komin með réttindi til að aka stóru bifhjóli...hehehe. Mér skilst að það séu nú fæstir sem héldu að ég myndi láta verða af þessu. Veit ekki alveg afhverju samt... spurning hvort að það sé sveitasakleysið...hehehe.

Fyrir utan þetta þá er nú voða lítið að frétta. Núna fer maður bara að detta inn í gömlu rútínuna aftur. Nudda á fullu og fara í ræktina. Fyrst að ég er búin í bifhjólatímunum. Þannig að nú er það bara að reyna að skrapa saman fyrir mótorhjólagallanum og svo að sjálfsögðu hjólinu svo að ég verði klár fyrir næsta sumar. Spurning hvort að fólk sé tilbúið að gefa mér eitthvað uppí þetta allt í jólagjöf bara...hehe.
Mér skilst reyndar að hjól bíði eftir mér á ákveðnum stað. Og nú er bara spurningin hvort að ég skelli mér ekki bara þangað til að nálgast það. Ætla samt ekkert að vera að gera mér of miklar vonir um það. Það verður þá bara gaman ef af því verður...hehehe.

Svo er hún mamma að fara að kíkja við í höfuðborginni á leiðinni til USA. Veldi á gellunni bara. Verður nú gaman að fá kannski rétt að sjá glitta í hana svona áður en hún heldur af landi brott. Skilst þó að það verði ekki tími til að sjá hana eftir að hún kemur heim, áður en hún fer norður. Við sjáum þó bara til... spurning hvort að allir verði ekki bara svo drukknir á heimleiðinni að það verði enginn í ökuhæfu ástandi og þurfi að láta renna af sér áður en haldið er norður....hehehe... kemur allt í ljós.

En jæja... sennilega best að koma sér í bælið... þar sem ég er búin að hengja íþróttafötin mín upp úr þvottavélinni. Og alveg jafn langur dagur á morgun og var í dag.... Vinna, nudda og ræktin.

Bloggleysi

glitter-graphics.com

Var að fá kvörtum um að ég væri hætt að blogga.
Búið að vera eitthvað svo upptekin að ég hef voða lítið sest við tölvuna hérna heima. Og í vinnunni er búið að vera meira en nóg að gera.
Er búin að vera á fullu að pússla saman bifhjólatímunum, nuddinu, ræktinni og öllu hinu. Fer sennilega í síðata bifhjólatímann á laugardaginn og svo prófið á mánudaginn... ef allt gengur að óskum. Kennarinn á þó eftir að panta tíma í prófið (síðast þegar ég vissi).
Lenti í smá óhappi í síðasta tíma. En það fór ekkert svo illa... er bara aðeins marin og smá bólgin. Kennarinn óskaði mér til hamingju. Svo héldum við bara áfram með tímann. Er ekki alltaf sagt að fall sé fararheill...hehe...
Það var tengiliðamatur/partý heima hjá Binnu á laugardaginn síðasta. Svaka stuð og rosa góður matur. Lögðum bara saman í púkk og svo var bara versluð læri og meðlæti og eldað. Ég lét mér nægja að vera bara þarna heima hjá henni. Fór svo bara heim þegar fólk var að tínast í bæinn.

Leigjandinn er alveg fluttur inn núna. Var meira að segja með strákinn sinn hérna um síðustu helgi. Litli strákurinn er algjört krútt. Og á sunnudagsmorgun sátum við tvö frammi í stofu og horfðum á Nemó... þar til ég stakk af í ræktina. Bjarni var bara sofandi inni í herberginu sínu. Samt var það nú hann sem fór snemma að sofa kvöldinu áður, en ekki ég.

Kíkti á Freyju systir í vinnuna, um daginn. Fékk smá sightseeing um Blóðbankann. Var svo þarna með henni á meðan hún var að sinna því sem þurfti að sinna um kvöldið... alveg þar til öll föst rútína var búin og hún þurfti að fara að leggja sig. Verður víst að nýta tækifærin meðan þau gefast. Ef eitthvað skildi koma uppá um nóttina. Þetta var mjög fróðlegt en ég er þó ekki ennþá farin að gefa blóð...hmmm...er svo nálahrædd. Samt er ég með frekar sjaldgæft blóð þannig að blóðbankinn myndi nú sennilega þyggja smá frá mér.

En well... verð að drífa mig í bælið... þarf víst að vakna eldsnemma í fyrramálið.

Tími á blogg

glitter-graphics.com


Hmm já hvað á ég að segja. Er búin að fara í fjóra bifhjólatíma...og í gær var fyrsti götuaksturstíminn hjá mér. Fer sennilega í annan götuakstur á morgun. Úff hvað þetta er gaman. Gengur líka bara alveg ágætlega held ég. Er samt aðallega búin að vera á 250 hjóli en mun taka prófið á 500 hjól svo að ég verð að æfa mig á því hjóli áður en ég get farið í prófið.
Nú verð ég svo bara að fara að finna mér góðan mótorhjólagalla. Þýðir víst lítið að vera bara á gallabuxum og í gamla mótorhjólaleðurjakkanum hans Sissa...ekki það að ég tek mig svakalega vel út í honum..hehehe. Og ökukennarinn hældi mér nú hvað ég væri í góðum jakka...hehehe. Þannig að ég þurfti bara þunnt vesti í götuaksturinn en ekki vesti með brynju.
Var að skoða galla á netinu um daginn og sá einn sem mér leist mjög vel á. Hann kostar tæplega 70 þúsund og er það bara nokkuð vel sloppið með góðan galla. Hef samt ekki skoðað hann í versluninni sjálfri svo að það er nú ekki alveg að marka. Allar ábendingar um góða en ódýra galla eru vel þegnar. Held samt að ég reyni að fjárfesta í góðum hönskum sem allra fyrst. Geri ráð fyrir að kaupa gallann í smá skömmtum. Þannig að þið vitið hvað þið megið gefa mér í jólagjöf...hehehehe.

Er búin að vera hálf útkeyrð eitthvað upp á síðkastið. Hef því lítið nuddað. En fékk góðar fréttir á föstudaginn og því var allvega einum áhyggjunum færra á mínum herðum.
Ég hef þó verið að reyna að styðja við bakið á vinkonu minni sem hefur átt frekar erfitt... þó að ég hafi nú kannski ekki haft mjög mikið að gefa. En hún hefur verið að ganga í gegnum hluti sem að maður óskar engum. Vona að ég hafi sýnt henni að ég er vinkona hennar líka á erfiðum tímum.
Hef þó verið dugleg að fara í ræktina líka ... enda er maður nú eitthvað hálf druslulegur þá daga sem maður ekki fer í ræktina..hehe.. en það er kannski af því að maður er pínu háður henni.

Leigjandinn fluttur inn... svoltið skrítið að þurfa allt í einu að fara að sofa með lokað inn til sín. Og geta ekki labbað nakinn fram. En það hlýtur að venjast.

Bifhjólaprófið

glitter-graphics.com

Er búin að vera síðustu daga að læra undir bóklega bifhjólaprófið. Það er sama sagan núna og alltaf þegar ég er í skóla. Mér bara tekst engan veginn að halda mig að því að læra. Búin að gera næstum allt annað en að læra. Veit ekki hvað þetta er. Hélt kannski að þetta væri búið að eldast af mér.. en neibb... augljóslega ekki. Tókst þó að læra smá núna um helgina og fór svo í prófið í morgun. Og eins og prófdómarinn sagði "þetta próf er því staðið með ágætum". Þannig að ég er sátt. Hringdi svo í ökukennarann og á að heyra í honum aftur á miðvikudagsmorgun til að tékka á því hvort að við getum ekki hist þá um kvöldið. Annars er það laugardagurinn. Jájá þetta er allt að gerast. Þessi draumur er búinn að blunda í mér í mörg ár.. en sl tvö ár hefur hann verið að ágerast.
Sá það líka að ef ég léti þennan draum ekki rætast núna þá yrði það sennilega aldrei.

Þó að ég hafi verið að reyna að læra þá sleppti ég þó ekki ræktinni..hehe.. Tók vel á því um helgina líkt og síðustu helgi. Fæ útrásina mína þar...hmm...og félagsskapinn hehe.. þar sem ég hef ekki tíma til að hitta einn eða neinn fyrir utan allt það sem ég er að gera. Fór reyndar í heimsókn til Huldu vinkonu eftir ræktina einn daginn núna í vikunni. Hana vantaði smá andlegan stuðning... vildi bara að ég hefði meiri tíma til að eyða með vinum mínum. Hver veit hvað gerist.... kannski lengist sólarhringurinn...hmmm... þá hefði ég kannski meiri tíma.

Það gæti bara vel veið núna að ég sé að fara að leigja aukaherbergið út aftur. Ég er allavega búin að segja já við einstaklingi sem spurði. Nú er bara spurning hvort að viðkomandi hætti við. Þetta var meira bara svona skyndiákvörðun hjá okkur báðum um helgina þannig að ég ætla þó ekki að fullyrða að neitt verði af þessu.
Verða að viðurkenna að þetta hefur bæði kosti og galla. Kostirnir eru að ég verð þá kannski ekki alltaf ein... en ókostirnir eru að þá er ég ekki eins frjáls á mínu eigin heimili. Jæja.. það má allavega reyna. Spurning hvort að mér tekst að fá hann til að vera smá svona handyman...hehehe... er komin með smá hugmyndir í hausinn.... langar til að breyta og bæta... en treysti mér ekki alveg til þess svona ein.

Svo svona að lokum þá var ég að velta því fyrir mér hvort að einhver gæti verið svo góður að lána mér cd með Cascada og kannski líka 060606 Bubbadiskinn... 060606 diskurinn hans Kalla hefur nefnilega sennilega verið seldur með einhverjum af þessum blessuðum bílum sem búið er að selja.

Hvernig á að fara í sturtu

glitter-graphics.com

 

Bloggið mitt síðan í gær virðist hafa týnst... en hér kemur önnur tilraun

Rakst á þetta á netinu .... hehehe .... og bara varð að setja það hérna inn:

HVERNIG Á AÐ FARA Í STURTU EINS OG KONA?

Farðu úr fötunum og raðaðu þeim í flokkaðar "óhreina-taus-körfur" Ein fyrir ljósan þvott, ein fyrir dökkan, ein fyrir hvítan, og ein fyrir sérstaklega viðkvæm efni.

Gakktu í átt að baðherberginu í síðum slopp. Ef að húsbóndinn sér til þín á leiðinni, mundu þá að hylja allt nakið hold og flýta þér inná baðherbergið.

Horfðu á sjálfan þig í speglinum, ýttu maganum fram og kvartaðu í smástund við sjálfa þig yfir því hvað þú ert að verða feit. Stígðu inn í sturtuna.

Athugaðu hvort að eftirfarandi sé ekki örugglega við hendina:
Andlits-þvottapokinn, handarkrika-þvottapokinn, fyrir-neðan-mitti-þvottapokinn, grófi nudd-þvottapokinn og siðast en ekki síst .. appelsínu-húðar-nudd-steinninn.

Þvoðu hárið einu sinni með Agúrku og Ginseng sjampóinu .. þessu sem inniheldur 83 nauðsynleg vítamín fyrir hárið.

Þvoðu hárið aftur með Agúrku og Ginseng sjampóinu .. þessu sem inniheldur 83 nauðsynleg vítamín fyrir hárið.

Notaðu Agúrgku/Ginseng næringuna .. þessari með viðbættu Burkna-olíunni og láttu standa í hárinu í 15 mínútur.
Þvoðu þér í framan með Aprikósu-skröbbinu í tíu mínútur .. eða sirka þangað til þig fer að svíða verulega.

Þvoðu restina af líkamanum með Ginger/Jaffa-Cake líkams-sápunni. Skolaðu næringuna úr hárinu í sirka 15 mínútur .. svo að örugglega öll afgangs næring hreinsist í burtu.

Ef að húsbóndinn sturtar niður, sem leiðir til þess að vatnið hjá þér hitnar í smástund, skaltu öskra brjálæðislega og kalla hann öllum illum nöfnum.

Skúfaðu fyrir sturtuna. Þurrkaðu upp alla bleytu í sturtunni. Notaðu Ajax sturtu sprey til að ná upp háglans á flísarnar. Ekki gleyma að athuga gólfið fyrir framan sturtuna og þurrka upp hvern einasta dropa.

Farðu úr sturtunni. Þurrkaðu þig með handklæði sem er á stærð við lítið Afríku ríki.

Pakkaðu hárinu inn í annað, extra rakadrægt, handklæði. Skoðaðu allan líkamann í leit að minnsta blett eða hári. Notaðu neglur eða flísatöng til að gera út af við það sem þú finnur.

Gakktu í átt að svefnherberginu í síðum slopp með handklæðið ennþá á höfðinu. Myndu að hylja allt nakið hold .. ef að húsbóndinn er nálægt.. og flýttu þér í átt að svefnherberginu. Ekki eyða undir hálftíma í að klæða þig!!!!

AÐ FARA Í STURTU EINS OG KARLMAÐUR!!!

Farðu úr fötunum, sitjandi á rúminu, og skildu þau eftir í hrúgu fyrir framan rúmið. Gakktu nakinn í átt að baðherberginu.
Skoðaðu karlmannlegt vaxtarlag þitt í speglinum og dragðu djúpt inn andann til að athuga hvort þú sért með "sixpakk" (sem þú ert ekki með.)

Farðu í sturtuna. Ekki hafa fyrir því að leita að þvottapoka ? ekki nota hann ef þú rekst á hann.

Þvoðu þér í framan, undir höndum og "vöðvann". Hlæðu kjánalega yfir því hvað það heyrist hátt þegar þú rekur við í sturtu. Notaðu sjampó í hárið en ekki nota næringu. Búði til móíkana-kamp með sjampóið í hárinu. Dragðu aðeins frá sturtuhengið til að sjá sjálfan þig í speglinum (tíhíhíhíhí).

Pissaðu (í sturtunni að sjálfsögðu). Skolaðu þig og farðu úr sturtunni. Ekki taka eftir vatninu á gólfinu (sem kom til af því að þú hafðir hengið fyrir utan sturtubotninn.)

Þurrkaðu þér lauslega. Horfðu á sjálfan þig í speglinum.


Ekki draga fyrir sturtuna, og skildu eftir blautt gólf. Ekki slökkva inná baði. Gakktu í átt að svefnherberginu með handklæðið um mittið.


Athugaðu hvort að nærbuxurnar séu blettóttar, ef ekki, farðu þá í þær. Taktu sundur sokkaparið á gólfinu. Brjóttu aðeins úr þeim, og farðu í þá. Farðu í nýjan bol, en vertu annars í sömu fötum og þú notaðir í gær.

Smalastelpan

glitter-graphics.com

Ég gerðist smalastelpa um helgina og skellti mér norður að smala. Geri aðrir betur. Gerði mér spes ferð bara í þessum tilgangi.
Lagði af stað, næstum því strax eftir vinnu. Þ.e. fór ekkert heim til mín í millitíðinni en þurfti smá að útrétta áður en ég lagði af stað.
Brunaði svo norður í... hmmmmm já... mígandi rigningu, vægast sagt. Hefði nú alveg verið til í örlítið betra veður. En maður lætur ekki "smá" rigningu aftra sér. Hafði reyndar meiri áhyggjur af myrkrinu þar sem ég var á eineygðum bíl. Frekar erfitt í myrkri og rigningu.
Kom við í Oddagötunni á leiðinni í Bárðardalinn. Bara svona rétt til að segja hæ samt. Maður þarf nú að vakna snemma þegar maður fer að smala.
Skelltum okkur öll í heiðina... pabbi, mamma, ég, Þura og Allan. Og ekki má nú gleyma Pjakki. Hann stóð sig eins og hetja.
Gekk reyndar frekar illa að smala í rigningu og þoku og við komum ekki með mikið af fé heim. Og það voru ekki nema þrjár ókunnugar skepnur hjá okkur sem við fórum með á réttina.
Það var svo réttað á sunnudagsmorgun. Mamma reyndar var heima þar sem hún þurfti að fara að vinna kl. 12. Þannig að við rétt náðum að hitta hana eftir réttakaffið áður en hún þurfti að fara í vinnuna. Pabbi skoðaði ljósin á bílnum mínum aðeins fyrir og komst að því að það var bara peran sem var farin.. en ekki eitthvað rafmagnsvesen eins og gaurarnir í Olís í Mjóddinni vildu halda fram. Þannig að ég kom við á Esso á Akureyri og fékk skipt um peru þar... og það tókst átakalaust.. eitthvað annað en á Olís.
Lagði svo bara snemma af stað suður aftur þar sem ég nennti ekki að vera á ferðinni í myrkri. Náði mér meira að segja í ferðafélaga á miðri leið. Og vorum við samferða alla leiðina hingað í Breiðholtið. Veit ekkert hver þetta var... bara bíll sem ég fylgdi alveg eftir... og hann var farinn að vinka í mig meira að segja...hehehe. Og þegar ég keyrði í smá hlikki (var smá að testa bílinn) þá fór hann að gera það líka... fyndið..tíhí.
Og nú er það bara ný vinnuvika. Ótrúlegt samt að það skuli vera kominn september.

Fór til læknis í morgun til að fá læknisvottorð fyrir ökuleyfið. Og skellti mér í passamynda-sjálfsala í leiðinni. OMG kom ekki vel út... en well... það er nú ekki eins og þessi mynd verði í ökuskírteininu mínu nema bara til 2047...hehe. Hún getur allavega ekki verið verri en sú sem er í núverandi ökuskírteininu mínu..hmm...það myndi örugglega enginn trúa því að þetta væri ég....

Síðustu dagar

Búin að hafa nóg að gera í vinnunni sl viku. Nudda á fullu og að sjálfsögðu ræktin... sem þýðir... gamla góðar rútínan komin á sinn stað.
Hef ekki enn komist í að kaupa mér hjálm. Er ekki nógu klár í því þannig að ég þarf að hafa einhvern kláran með mér...t.d. hann Sissa minn...hehehe....hint hint.

Skrapp í sumarbústað eftir vinnu í gær og kom til baka um miðjan dag í dag. Það var hún Erna vinkona sem var að bjóða mér og fleirum. Hún er að halda upp á afmælið sitt þessa helgi. Þ.e. boðið var í þrítugsafmæli töku tvö...hehehe.. ég ætla líka að gera þetta. Héðan í frá verða bara þrítugsafmæli...hehehe fer ekki hærra.
En allavega. Við Hafrún urðum samfó í bílnum hennar..hehe.. Gulla litla slapp við að keyra. Bústaðurinn, sem við fórum í, er í Minni-Borgum í Grímsnesi. Mjög fínn og rúmgóður bústaður. Vorum komnar þangað milli sex og hálf sjö í gærkvöldi. Komum okkur þægilega fyrir og hófumst svo handa við að grilla. Tókum smá Trivial á meðan potturinn var að hitna og svo var það að sjálfsögðu potturinn. Þetta var yndisleg stund. Held að við höfum verið að fara að sofa um kl. 4 í nótt... nema ólétta konan hún Hafrún sem fór inn svoltið fyrr. Þrátt fyrir næturbrölt vorum við Erna komnar á fætur fyrir 10 í morgun. Komum okkur í gang, gerðum pottinn aftur kláran og svo var það bara sælan í pottinum þar til tími var kominn til að huga að frágangi og heimferð hjá mér. Erna ætlar þó að vera áfam í bústaðnum með honum Jóa sínum.
Er að skella inn myndum úr ferðinni.

Fór svo áðan og náði í Guggu (systir Kalla), Fannar og Atla út á flugvöll. Þau voru að koma til baka úr tveggja vikna fríi á Rhodos. Hefði nú alveg viljað vera með þeim þarna úti... ég var þó allavega samfó út á flugvöll og aftur til baka... þó að þau væru í hlýjunni úti og ég í kuldanum hér á klakanum....ekkert bitur sko...hmm..hehe...grín.
Mér leið nú samt eitthvað hálf hvítt við hliðina á þeim núna. Samt hefur fólk verið að kvarta yfir því að ég sé brún..hmmm.
Ósköp finnst mér nú samt gott að vera búin að fá þau heima aftur. Búin að sakna þeirra bara svoltið þessar síðustu tvær vikur.

Menningarnótt

(Skrifað í gær):

glitter-graphics.com

Úff hvað ég er lítið menningarleg...hehehe...fór reyndar á seinni hlutann af tónleikunum í gærkvöldi. Gamla settið var að koma í bæinn og dróg mig með. Lögðum bílnum bara fyrir utan hjá Freyju sys og löbbuðum þaðan. Sem var bara snilld því að við lentum ekki í neinum vandræðum með að komast í burtu eftir að tónleikarnir voru búnir.
Er samt bara búin að nota daginn í dag í að úrtrétta í staðinn fyrir að þykjast vera eitthvað menningarleg. Finnst þó líklegt að ég reyni allavega að sjá flugeldana í kvöld... annað kemur bara í ljós.
Við ætlum svo að grilla í kvöld. Pabbi og mamma komu með nesti með sér úr sveitinni og svo keyptum við kjúkling til að hafa líka.

Ég er nú samt eitthvað hálf þreytt eftir fyrstu vinnuvikuna eftir sumarfrí. Ekki nóg með að ég væri að byrja aftur eftir þriggja vikna frí heldur er líka búið að breyta starfinu mínu aðeins þannig að ég er ekki að gera alveg það sama og ég var að gera. Og það gerir mig náttúrulega ennþá þreyttari... svona að vera að reyna að standa mig í einhverju sem ég er ekki vön og hálfpartinn að læra eitthvað nýtt.
Verð þó að viðurkenna að ég hef svona aðeins verið að líta í kringum mig eftir nýrri vinnu. Ekkert þó orðið ákveðið í þeim efnunum. En endilega komið með hugmyndir ef ykkur dettur eitthvað sniðugt í hug fyrir mig að gera... hef samt ekki efni á að lækka í launum.

Alveg veik núna

Núna er ég alveg orðin veik.  Pétur, vinur minn, var að kaupa sér nýtt mótorhjól í gær og ég fékk að máta.  Beið eftir mér þegar ég var búin í ræktinni í gær.  Hjólið fór mér alveg svakalega vel...hehehe...náði meira að segja niður...held því samt alveg fyrir mig hversu vel ég náði niður..hehe.. Pétur er meira að segja búinn að lofa að ég fái að prufa dýrið við tækifæri.  Sagði samt að ég ætti ekki að kaupa mér svona kraftmikið hjól til að byrja með... ekki það að ég sé alveg svo vitlaus sko....þó að ég sé ruglurófa.
Var einmitt að ræða það við Sissa í gær að ég þyrfti að fara að kaupa mér hjálm.  Langar ekki að vera með hjálm sem fullt af fólki hefur verið með, þegar ég fer að læra.  Geri ráð fyrir að kaupa einhvern svona ódýrari hjálm svona til að byrja með.  Þeir gera alveg sitt gagn en endast bara ekki eins lengi. 
Ofan á þetta var ég svo að labba yfir í mötuneytið áðan og voru þá ekki bara tvö hjól fyrir utan Símabúðina...venjulega er bara eitt sko... og ég er vön að slefa nógu mikið yfir því... en þegar þau eru orðin tvo... þá verð ég alveg óð...hehehe... ef svo má að orði komast.

Sumarfrí

Jæja er búin að vera í sumarfríi undanfarnar tvær vikur.  Enn er ein vika eftir en ég væri þó alveg til í að hafa þær fleiri. 
Er voða lítið búin að gera nema bara hafa það rólegt.  Byrjaði reyndar á því að skreppa norður.  Var fyrir norðan frá föstudagskvöldi og fram á miðvikudagskvöld.    Við fórum svo heim í sveit og gistum hjá pabba og mömmu.  Á laugardeginum skrapp ég svo í sumarbústað og hafði það náðugt.  Rosa flottur bústaður.  Sunnudagurinn fór í að rúnta og skoða.  Skrapp á Hofsós og Siglufjörð.  Lét eins og hálfviti og skemmti mér konunglega.  Jói og viðhaldið hans komu svo í heimsókn til okkar í bústaðinn á sunnudagskvöldinu...svona rétt á meðan við vorum að klára að ganga frá eftir okkur.  Brunaði svo aftur í sveitasæluna hjá gamla settinu mínu....tíhí.  Mamma þurfti svo að fara að vinna á mánudeginum en við hin grilluðum þessa svaka steik... eða hmm já ég sá um að "glóðarsteikja" hana...tíhíhí.  En þetta var samt svakalega gott....ótrúlegt en satt.  Eftir mánudagskvöldið var það bara slökun og meiri slökun.  Keyrði hingað suður og er búin að vera í slökun hér líka.  Reyndar búin að fara í ræktina og dúlla mér eitthvað með vinum.  En mest bara búin að vera að lesa, horfa á dvd og hafa það náðugt.  Fór reyndar með Guðrúnu mágkonu í Smáralindina í gær og sá skó sem ég alveg féll fyrir.  Og þar sem það er nú ekki mjög oft sem ég sé skó sem ég fell fyrir ákvað ég að kaupa þá (eftir sá umhugsun)...og sé ekki eftir því. 
Leyfði mér svo smá munað áðan...skutlaði Fannari fóstursyni mínum (að sögn mömmu hans er ég víst búin að ættleiða hann) í vinnuna og keypti af honum pizzu í leiðinni.  Og núna er ég alveg sprungin...hehehe.. Well ætla að halda áfram að vera í fríi og gera ekki neitt...